ПОСЕН БУРЕК

Бурекот стекна голема популарност низ светот, но омилен е во Турција од каде што потекнува и на Балканот каде што се јаде преку целата година.

Кога ќе го изговорите зборот „бурек“, во Босна и Херцеговина ќе го добиете со месо, во Турција со сирење и магдонос, но посните верзии на бурек можат да бидат исто толку вкусни.

Се што ви треба е пакување печурки, кромид, компири и зачини, а резултатот е кралски појадок.

Потребни состојки:

• пакување кори
• 1 ќесичка прашок за печиво
• 400 г печурки (шампињони) 
• 2 компира со средна големина
• 2 помали главици кромид
• сол, бибер и сув зачин по желба

• 3 лажици масло

За премачкување на корите:

• 100 млл зејтин
• 300 мл газирана кисела вода

Начин на приготвување: Во тава истурете три лажици масло, па вклучете ја да се загрее и во меѓувреме ситно исечкајте го кромидот. Пржете додека не стане проѕирен, а потоа додадете малку сол и бибер. Во него се додаваат ренданите компири и ситно сечканите печурки, па се додава сувиот зачин и убаво се меша. Динстајте додека не омекнат печурките, па тргнете ги од оган. Во сад сипете ги киселата вода и маслото и измешајте.

Обложете тавче со хартија за печење, а на дното ставете две кори за пита подмачкани со мешавина од масло и вода и почнете да го мачкате бурекот по принципот кора-фил-кора додека не го потрошите материјалот. Се пече во рерна загреана на 180°C околу 30 до 35 минути.