Неименуван тинејџер (17) од индиската држава Одиша одлучил дека телефонот му е многу поважен од бракот, па сопругата ја заменил за нов мобилен телефон.
Да, звучи како приказна од рубриката „кажете ни дека се шегувате и дека сте го измислиле ова затоа што ви било досадно“, но, за жал, се плашиме дека не е така. Ја заменил сопругата за нов ајфон
Неверојатната вест ја пренесуваат сите локални портали, а велат дека големо прашање е како би завршила несреќната девојка доколку не интервенирала полицијата, запаѓајќи во голема неволја за време на спасувачката акција.
Имено, кога влегле во селото со намера да ја вратат девојката дома, полицајците наишле на разбеснети мештани на кои не им текнало така лесно да ја пуштат кутрата девојка.
Тие протестирале тврдејќи дека чесно ја платиле, но на крајот некако се спасила од ужасната ситуација.
Младиот човек и девет години постарата девојка пред само еден месец влегле во брачните води, но откако му се укажала можност да купи нов телефонски апарат, без размислување ја продал на 55-годишен маж.
Во неговото село рекол дека таа го оставила, но откако нејзиното семејство одбило да поверува во таа верзија, пријавиле се во полиција, која, за среќа, успеала да и влезе во трага на девојката.
- Ни призна што направил на распитот. Екипа од Балангир отишла во Раџастан да ѝ влезе во трага на жената. Меѓутоа, тамошните мештани не ни дозволија да ја земеме со нас, инсистирајќи дека е фер купена. Не беше лесно да ја донесат дома“, рекол неименуван полицаец, чии зборови ги пренесе порталот Hindustan Times.
© Vecer.mk, правата за текстот се на редакцијата
