Доктор Александар Трајановски е нов потпретседател на Социјалдемократскиот сојуз (СДСМ), соопшти на денешната прес-конференција портпаролката на партијата, Богданка Кузеска.
- Вчера на Извршниот одбор, секако, беше прифатен, поддржан предлогот на претседателот Венко Филипче за потпретседател на партијата да биде реномираниот доктор Трајановски, изјави портпаролката Кузеска.
Од владејачката ВМРО-ДПМНЕ денеска соопштија дека доказ оти поранешниот лидер на Социјалдемократскиот сојуз (СДСМ), Зоран Заев, сè уште ги држи конците во партијата е токму поставувањето на докторот Александар Трајановски за нејзин потпретседател.
Оттаму велат дека причината за ваквото напредување на Трајановски во раководството на СДСМ е тоа што заедно со сегашниот лидер на партијата, Венко Филипче, летуваше на грчките плажи, поточно на јахтата на Заев.
© Vecer.mk, правата за текстот се на редакцијата
