Град Скопје објави дека согласно експертскиот извештај за состојбата на мостот на булевар Беласица, утврдено е дека истиот нема структурни оштетувања кои ја нарушуваат безбедноста на мостот.
„Од извештајот констатирано е дека има површинско напукнување на надворешниот бетонски слој во средишниот дел на едната страна на мостот, предизвикано од горењето на изолацијата на топловодните цевки на ЕСМ, кое ЕСМ ќе го санира со цел поставување нови топловодни цевки како нивна обврска за овозможување непрекинато снабдување на граѓаните на градот со топлинска енергија“, соопштија од Град Скопје.
Од денеска, мостот на булеварот Беласица ќе биде отворен за сообраќај само за лесни возила во двете крајни коловозни ленти, додека двете средишни коловозни ленти ќе бидат отворени во моментот на завршување на градежните работи од страна на ЕСМ.
© Vecer.mk, правата за текстот се на редакцијата
