ФИФА ја отфрли регистрацијата на Ајмерик Лапорт во Атлетик Билбао, затоа што Ал-Наср задоцни со испраќањето на деталите за трансферот. Претходно беше познато дека Шпанците се договориле и го завршиле трансферот на дефанзивецот на Ал-Наср, но саудискиот клуб доцнел со испраќањето на договорт и внесување на истиот во системот на ФИФА.
Според „Ас“, ФИФА одбила да го регистрира 31-годишниот фудбалер. Атлетик има право да поднесе жалба на оваа одлука до Спортскиот арбитражен суд (CAS), што практично е и единствена шанса на клубот да издејствува доаѓање на Лапорт во клубот пред следниот преоден рок.
