Веднаш по завршувањето на свадбената церемонија во Венеција, Лорен Санчез изненади со потег на социјалните мрежи.
Имено, откако му го кажа судбоносното „да“ на милијардерот Џеф Безос, Лорен ги избриша сите стари фотографии од својот Инстаграм профил и остави само две објави - едната на која позира во венчаница и другата, на која е со својот сопруг.
Го додаде презимето на нејзиниот сопруг
Покрај тоа, таа го додаде презимето на нејзиниот сопруг, па на нејзиниот Инстаграм профил сега пишува Лорен Санчез Безос.
Да ве потсетиме, Лорен се појави во венчаница со крој на сирена, инспирирана од стилот на Софија Лорен, потпишана од модната куќа Долче и Габана.
Свадбата се одржа на островот Сан Ѓорѓо Маџоре, кој се наоѓа веднаш до Големиот канал, а двојката ја одржа церемонијата во присуство на блиски пријатели, светски ѕвезди и милијардери.
© Vecer.mk, правата за текстот се на редакцијата
