По незаборавните вечери во Охрид и Делчево, музичкиот караван Македонијо, во срце те носиме сега патува кон градот под Исарот, кон Штип.
- Штипјани утревечер, 3 септември, со почеток од 20 часот време е да ја отвориме душата и да го исполниме градот со звуците на најубавите македонски песни. Затоа што ова не е само концерт, ова е емоционално обединување и прослава на сѐ што сме – народ со горда историја, богата култура и неизмерна љубов кон татковината, велат организаторите Скендеровски продукција и додаваат: - Во Охрид и Делчево пеевме како едно, а сега е време и Штип да одекне со истиот жар, сега е време да запееме сите затоа што македонската песна не познава граници, не познава поделби - таа живее во нас.
Мисијата наречена Македонијо во срце те носиме продолжува – да ја обоиме Македонија со најубавите звуци, да го славиме нашето, македонското, да пееме за Македонија, да бидеме едно! Ве очекуваме во Штип!
Вака беше во Делчево:
© Vecer.mk, правата за текстот се на редакцијата
