Интересот на купувачи од странство за куќи и станови за одмор во Грција е повторно многу висок оваа година, а Халкидики е водечки и притоа во побарувачката голем инетерс прикажуваат Срби, Бугари но и Македонци, според пребарувањата спроведени во текот на вториот квартал од оваа година преку платформата за онлајн огласи Спитогатос.
Значителна побарувачка е забележана и за Атина, предградијата на Солун и јужните предградија на Атика.
Според Спитогатос, земјите со најголема побарувачка за имоти за одмор оваа година се, по ред, САД, Германија, Обединетото Кралство, Бугарија, Србија, Холандија и Швајцарија.
Затоа, Србија е на петтото место меѓу земјите од кои доаѓа најголемата побарувачка за недвижности за одмор во Грција оваа година.
Халкидики привлекува купувачи од Балканот
Постои голем интерес за Халкидики, кој привлекува купувачи не само од Грција, туку и од странство, првенствено од балканските земји, како и од земјите од Централна и Источна Европа.
Најскапата област на Халкидики е Ситонија, каде што просечната цена оваа година е 3.000 евра за квадратен метар.
Касандра е следна со 2.895 евра, додека Неа Каликратија е на третото место со 2.513 евра.
Какви недвижности бараат грчките купувачи?
Кога станува збор за купувачи од Грција, недвижностите лоцирани по должината на брегот на Атика продолжуваат да привлекуваат големо внимание, без разлика дали се примарни или секундарни недвижности, според „Катимерини“.
Според достапните податоци, највисоките просечни продажни цени на недвижности во областите во близина на Атина се забележани во Сарона, каде што тие изнесуваат 3.200 евра по квадратен метар, по што следуваат Анависос со 2.941 евра и Порто Рафтери, каде што просечната цена е 2.667 евра.
Од друга страна, попристапни цени има во Еретрија, каде што во просек се 1.635 евра по квадратен метар, Каламос со 1.615 евра, Кератеја со 1.875 евра и Артемис (Лука), каде што се 1.862 евра.
Во меѓувреме, најголем раст на цените е забележан во Порто Рафтери, каде што во споредба со истиот период минатата година се зголемиле за 14,7 проценти, како и во Палајо Фокија, со раст од 14,3 проценти во споредба со 2025 година.
Голем интерес има и за островите во Саронскиот Залив
Покрај локациите во близина на Атика, постои и значителна побарувачка од жителите на поширокото подрачје на Атина за купување имоти за одмор на еден од островите во Саронскиот Залив.
Најскапиот остров е Спецес, каде што просечната цена достигнува 4.615 евра за квадратен метар, со годишен раст од 10 проценти.
По него следува Парос, каде што просечната цена оваа година е 3.207 евра за квадратен метар, што претставува зголемување од дури 20 проценти во споредба со минатата година.
Егина е на третото место, со просечна цена од 2.692 евра.
И Пелопонез меѓу бараните локации
На Пелопонез, Нафплио, со просечна цена од 2.778 евра за квадратен метар, Каламата со 2.892 евра и Источен Мани, каде што просечната цена е 2.727 евра, се издвојуваат меѓу побараните локации.
© Vecer.mk, правата за текстот се на редакцијата
