Сериозен инцидент се случил на летот од Женева до Приштина кога Албанец од Косово се обидел да ја отвори вратата на авионот за време на летот, јавува Косова Прес.
За време на летот, еден човек одеднаш станал и се обидел да отвори една од вратите на авионот, предизвикувајќи паника кај патниците.
Патниците реагираа брзо, а неколку од нив скокнаа за да го спречат патникот во неговата намера. Двајцата млади мажи физички го совладале и го држеле под контрола.
На крајот, со интервенција на полицијата, инцидентот беше успешно неутрализиран. Очевидци наведуваат дека човекот бил вербално агресивен за време на инцидентот и ги навредувал другите патници, зборувајќи со повишен тон.
© Vecer.mk, правата за текстот се на редакцијата
