Претседателот на словенечкиот парламент и лидер на партијата „Правда“, Зоран Стевановиќ, изјави дека земјата подготвува референдум за излез од НАТО алијансата, а тој самиот планира да оди во Москва.
„Категорично ќе се спротивставиме на мешањето во воените и дипломатските конфликти на другите, бидејќи тоа никогаш не е од корист за Словенија“, вели Стевановиќ во интервју за Радио и телевизија на Словенија.
Тој вели дека на гласачите им бил ветен референдум за членството во НАТО и дека тоа ветување ќе биде испочитувано.
„Му ветивме на народот дека ќе одржиме референдум за излез од НАТО и ќе го одржиме тој референдум“, истакна Стевановиќ.
Политичарот го окарактеризира и курсот на партијата како „независна и суверена политика“ без потчинување на надворешни центри на влијание, со подготвеност за соработка со сите земји, вклучувајќи ги и големите сили.
„Добри односи со сите, но во интерес на Словенија. Категорично ќе се спротивставиме на мешањето во конфликтите на другите земји“, додаде тој.
Стевановиќ ги објави и плановите за странски посети.
„Планирам наскоро да ја посетам Москва“, вели тој.
Зоран Стевановиќ, лидерот на партијата Ресница (Правда), беше избран за претседател на словенечкиот парламент со 48 гласа на тајно гласање, со поддршка на Јанез Јанша од Словенечката демократска партија (СДС) и други сојузници од десниот центар.
© Vecer.mk, правата за текстот се на редакцијата
