„На 10 октомври, при вршење на засилени мерки за надзор на граничниот премин Карасовиќи, на влез во царинското подрачје на ЕУ, царинските службеници на Подрачната единица - Мобилна единица служба Дубровник извршија преглед на автомобил БМВ со косовски регистарски ознаки во кој возачот и сопатник биле двајца државјани на Косово.
При преглед на предметното возило, во кое е користена опремата од програмата HERCULE III, во подвозјето на возилото под заштитната пластика е забележана црна материја која не припаѓа на деловите на возилото.
По понатамошниот преглед е откриено дека помеѓу шасијата на возилото и моторот имало црна ПВЦ кеса полна со поголема количина таблети кои содржат активни супстанци кои се на списокот на дроги, психотропни супстанци и растенија од кои може да се набави дрога и супстанции со кои може да се направи дрога“, соопшти Царинската управа.
„По наредба на жупанискиот суд, претресот на возилото е извршен во соработка со полициски службеници од Одделот за криминалистичка полиција на СВР Дубровник-Неретва.
При претрес на возилото, пронајдени се вкупно 63.665 таблети, скриени во пределот на моторниот простор, во шуплините во внатрешноста на предниот и задниот браник, браниците и во подвозјето на возилото, кое било покриено со заштитна пластична обвивка.
Поради постоење основи на сомнение за сторено кривично дело неовластено производство и тргување со дрога согласно чл. 190 ул. 1. и ул. 2 од Кривичниот законик, понатамошно постапување на наведените лица, возилото и пронајдените таблети се преземени од страна на полициски службеници“, соопштија од Царинската управа, пренесе Индекс.
© Vecer.mk, правата за текстот се на редакцијата
