Компанијата
Кока-Кола денеска објави дека отповикала дел од своите производи во некои земји
низ Европа бидејќи содржат зголемени концентрации на хемикалија наречена
хлорат.

Повлекувањето се
однесува на лименки и стаклени шишиња дистрибуирани во Белгија, Холандија,
Велика Британија, Германија, Франција и Луксембург од ноември, изјавија од
компанијата во Европа . Тие тврдат дека иако „немаат прецизна бројка“,
повлечени е „значителна количина“ пијалаци.

Најголем дел од
непродадените производи се извлечени од полиците, а компанијата е во процес на
повлекување на преостанатата количина.

<a href="https://www.bbc.com/news/articles/c3rwv9j74q9o">Би-Би-Си </a>наведува
дека формирањето на хлорат може да се случи доколку се користат средства за
дезинфекција на база на хлор во третман на вода и преработка на храна.

Изложеноста на
високи нивоа на хлорат може да предизвика здравствени проблеми, вклучително и
проблеми со тироидната жлезда, особено кај децата и доенчињата.

Ефектите на
хлоратот врз луѓето кога се земаат во прекумерни количини вклучуваат гадење,
повраќање, дијареа и ограничување на способноста на крвта да апсорбира
кислород, пишува британскиот јавен сервис.

КОКА КОЛА ПОВЛЕКУВА ПРОИЗВОДИ, има хемикалија повеќе од што треба, засега во 6 држави