Доколку барате совршена посна пита со јаболка која лесно се подготвува и мириса неодоливо на цимет и ванила, овој рецепт е вистинскиот избор.
Состојки:
Кори за пита 500 гр
Јаболка 1 кг
Шеќер 200 гр
Ванилин шеќер 1
Цимет 1 лажиче
Гриз 100 гр
Масло 100 гр
Минерална вода 100 мл
Шеќер во прав за посипување
Како да се подготви:
Излупете ги и изрендајте ги јаболката. Додадете шеќер, ванилин шеќер и цимет, па сè добро измешајте. Земете една кора за пита, намачкајте ја со масло и посипете со гриз. Врз неа ставете ја втората кора, повторно намачкајте со масло и посипете со гриз. На третата кора ставете малку од готовите јаболка, па свиткајте ги во ролат. Постапката повторете ја додека не ги потрошите сите кори и јаболка. Во подмачкан плех наредете ги ролатите.
Намачкајте ги со масло и прелијте ги со минерална вода. Се пече во загреана рерна на 180°C околу 40 минути или додека питата не порумени. Кога питата ќе се олади, посипете ја со шеќер во прав.
© Vecer.mk, правата за текстот се на редакцијата
