Лесни се за правање, практични за сервирање, а вкусот е неодолив
Состојки:
Тесто
450 гр брашно
180 мл кисела вода
180 мл масло
1 лажичка шеќер
1 лажичка сол
1 лажичка сув квасец
1/2 лажичка куркума
Фил
250 гр праз
400 гр печурки
1 лажичка сол
1/2 лажичка бибер
Кечап и оригано
Се замесува тесто со кисела вода, масло, шеќер, сол и квасец. Додадете куркума за тестото да добие жолта боја. Оставете го измешаното тесто да нарасне 30 минути.
На масло пропржете го ситно сечканиот праз, па додајте ги сечканите печурки. Кога водата од печурките ќе испари, посолете и побиберете. Поделете го филот на три еднакви дела.
Преостанатото тесто замесете го малку, па поделете го на четири еднакви дела. Секој дел формирајте го во топчиња.
Првото топче развлечете го во големина на плехот каде што ќе печете. Префрлете ја кората во плех, па премачкајте со две лажици кечап и посипете со оригано. Потоа прелијте го филот, па кората, па кечап, оригано и повторно фил. Постапката повторете ја повторно, а четвртата кора премачкајте ја само со кечап и посипете со оригано.
Тестото пред печење избоцкајте го со чепкалка и покријте го со фолија да одмори 10 минути.
Печете 30 минути на 180 C.
Повеќе детали за начинот на подготовка можете да најдете во видеото Slađini recepti.
© Vecer.mk, правата за текстот се на редакцијата
