Ако вашите алишта не се свежи и мирисливи откако ќе ги исперете во машината, можеби е време да ја исчистите машината.
Очекуваме машините за перење да ја направат нашата облека чиста и да мириса убаво, но тие нема да можат да го направат тоа ако самите се валкани. За да го избегнете ова, постои едноставен начин за длабоко чистење на вашата машина.
Треба да започнете со отстранување на филтерот и садот за детергент и да ги исчистите со сапун и вода. Следно, испрскајте малку бел оцет во преградите за омекнувач и детергент. Оставете го да отстои, па добро исчистете, пишува klix.ba.
За гумата на вратата на вашата машина, испрскајте ја обилно со бел оцет и оставете ја да отстои пред да ја исплакнете.
Белиот оцет може да се користи и на вратата на машината, а потоа треба да извршите циклус на топло перење со бел оцет, кристали од сода бикарбона или средство за чистење на машината за перење.
Ова ќе ѝ помогне на вашата машина да мириса свежо и да функционира како нова. Исто така, по миењето, треба да ги оставите дозерот за детергент и вратата малку отворени за да се дозволи влагата да излезе.
Треба да го практикувате ова еднаш на секои три месеци за длабоко да ја исчистите машината за перење.
© Vecer.mk, правата за текстот се на редакцијата
