Иако живеењето во Швајцарија носи многу придобивки, од прекрасна природа до силна економија и сигурни работни места, се покажува дека патот до државјанство не е толку едноставен.
Имено, откриено е дека еден од критериумите за добивање швајцарско државјанство може да биде - привлечност.
Доколку локалното население процени дека кандидатот не е „доволно интегриран“ или едноставно е премногу „вреден“, барањето за државјанство може да биде одбиено, без оглед на исполнетите формални услови, објавува Дејли меил.
Двапати ѝ е одбиено државјанство на Холанѓанка
Ненси Холтен, жена родена во Холандија која со години живее во Швајцарија, ја доживеала оваа необична практика.
Иако ги исполнила сите законски услови за добивање државјанство, нејзиното барање било одбиено дури двапати бидејќи локалното население ја сметало за проблематична.
Причината? Нејзиното јавно противење на швајцарските традиции.
Ненси започнала кампања против кравјите ѕвона, нарекувајќи ги премногу гласни и сурови кон животните.
Таа, исто така, ги критикуваше трките со свињи, црковните ѕвона и сè што, според нејзино мислење, е непотребен извор на бучава или страдање за животните.
„Само сакав да се вклучам во заштитата на животните. Не сфатив дека овие работи се традиција за многу луѓе. Сега разбирам“, рече таа во интервју за Swiss Info.
Поради ваквите појавувања, локалната заедница процени дека Ненси „не се вклопува во швајцарскиот начин на живот“, а нејзиното барање беше одбиено.
Подоцна, сепак, нејзиниот случај беше разгледан на повисоко ниво на владата, каде што беше заклучено дека нема законска основа за одбивањето, па на крајот сепак ѝ беше доделено државјанство.
© Vecer.mk, правата за текстот се на редакцијата
