Страшна трагедија го потресе познатиот забавен парк „Сикс Флегс“ во американската сојузна држава Џорџија, каде еден маж го загуби животот, а четири лица се повредени откако несреќниот посетител испаднал од вагонот на познатиот ролеркостер „Голијат“ за време на возењето.
Драматичната несреќа се случила во понеделникот околу 16 часот по локално време. Според изјавите на престрашените очевидци, мажот испаднал од заштитното седиште и при падот од огромна височина неколку пати удрил во металната конструкција. Дополнителна језа меѓу присутните предизвикале тврдењата дека моментот на самиот пад бил забележан на автоматизираната сувенирска фотографија што ги слика посетителите за време на возењето, чија автентичност моментално ја проверува полицијата.
Патници останаа заглавени на десетици метри височина
Веднаш по трагедијата, ролеркостерот бил насилно запрен, при што десетици патници останаа заробени во вагоните на височина од над 50 метри. Спасувачките екипи мораа организирано и преку итни скали да ги спасуваат и спуштаат престрашените луѓе на безбедно.
🚨🇺🇸 A man fell to his death from Six Flags Over Georgia’s Goliath coaster, and the moment was HORRIFICALLY captured on a souvenir photo Several others were hurt on the 200-foot, 70 mph ride before crews evacuated the riders still stranded on the track, and Six Flags has now shut similar coasters at parks across the country. This comes less than two weeks after Six Flags permanently closed X2 in California following a CNN investigation into years of brain injuries and deaths… Source: CNN, @Breaking911 / Writer: Daniel
— Mario Nawfal (@MarioNawfal) October 13, 2026
Атракцијата „Голијат“, отворена во 2006 година, достигнува застрашувачка височина од 61 метар и брзина од дури 113 километри на час. Полицајците од округот Коб потврдија дека едно лице загинало, четири се хоспитализирани, а истрагата за причините за несреќата ја презеде одделот за тешки кривични дела.
Затворени уште девет ролеркостери ширум Америка
Управата на „Сикс Флегс“ реагираше експресно и од превентивни причини привремено го обустави работата на дури девет слични ролеркостери во шест забавни паркови ширум САД, изразувајќи длабоко сочувство до семејството на загинатата жртва.
Оваа трагедија доаѓа набавено помалку од две недели откако истата компанија трајно го затвори познатиот ролеркостер „Икс 2“ во Калифорнија, по скандалозната истрага на Си-Ен-Ен која откри десетици случаи на тешки повреди и оштетувања на мозокот кај посетителите.
© Vecer.mk, правата за текстот се на редакцијата
