Зумбулите се луковични растенија, а нивното латинско име Hyacinthus доаѓа од легендарниот грчки принц Хијацинт, од чија крв, според митот, потекнува овој цвет.
Симболика на зумбулот
Зумбулот е познат и како дождовен цвет бидејќи цвета со првите пролетни дождови. Во античка Грција го нарекувале „цвет на жалост“. Зумбулот симболизира страсна љубов и се користи во индустријата за парфеми поради неговиот интензивен мирис.
Садење и грижа
Зумбулите бараат многу светлина, па затоа најдобро е да ги засадите на место со многу сончева светлина или во просторија со индиректна светлина. Почвата треба да биде богата со хранливи материи, а луковицата треба да биде 1/3 над земјата. Наводнувајте ги еднаш или двапати неделно, внимавајте почвата да е сува пред наводнување.
Опасност за домашни миленици
Иако се убави, зумбулите се отровни за домашните миленици, особено за кучињата и мачките. Нивната луковица може да предизвика сериозни здравствени проблеми. Ако имате домашни миленици, поставете ги зумбулите на недостапни места.
Зумбули во вазна
Ако ги сакате зумбулите, но не сакате да се занимавате со градинарство, можете да ги купите свежо исечени и да ги ставите во вазна. За да траат подолго, ставете ги во вазна со вода до 1/3 од волуменот. Редовно менувајте ја водата и скратувајте ги стеблата. Ако сакате, можете да додадете аспирин, паричка или шеќер во водата за да го продолжите рокот на траење.
Зумбулите се убави, но бараат внимание за да траат и да уживаат во нивниот мирис.
© Vecer.mk, правата за текстот се на редакцијата
