Според најновото истражување, мажените жени се под поголем стрес од самохраните жени и самохраните мајки. На нив почива огромен товар: работа и грижа за семејството.
Имено, како што покажа студијата, мажените жени почесто страдаат од главоболки, замор и негативни емоции. Излегува дека сопрузите, а не грижата за децата, се главната причина за овие проблеми.
Дури 46 отсто од испитаниците признале дека нивните деца помалку ги нервираат отколку нивните сопрузи. Сепак, непријатните емоции што ги доживуваат немаат никаква врска со неверство или семејно насилство.
Еве како мажите придонесуваат за влошување на психичката состојба на нивните сопруги:
Многу мажи се однесуваат како деца, дури и кога имаат над четириесет. Тоа се рефлектира во несериозен однос кон детето и прашањата поврзани со него.
Секоја петта мајка изјавува дека отсуството на помош на нејзиниот сопруг во домаќинството е исто така извор на постојан стрес за неа.
Жените поминуваат повеќе време за да ги задоволат секојдневните потреби на семејството, а сопрузите имаат повеќе време за одмор. По правило, жените не се одговорни само за готвење и чистење, туку и за плаќање сметки, купување намирници и планирање на семејниот буџет.
Повеќето од анкетираните жени се жалат на недостаток на време. Особено оние кои се вработени: вечерта не ја користат за одмор, туку за домашни работи. Поради ова, тие обично се уморуваат и грешат.
Бидејќи поголемиот дел од одговорноста за домот и семејството е на жената, таа се чувствува виновна кога нешто ќе тргне наопаку. Вината потоа предизвикува стрес и го попречува извршувањето на секојдневните задачи, истакнаа тие во студијата.
© Vecer.mk, правата за текстот се на редакцијата
