Улиците на Пјонгјанг сè уште се полни со стари советски и европски возила, увезени луксузни автомобили и домашни имитации. Меѓу нив, сè уште можете да ги видите седаните Волво 144 од 1973 година, дел од флотата од 1.000 автомобили испратени од Шведска во Северна Кореја во средината на 1970-тите.
Во тоа време, Северна Кореја беше финансиски зависна од СССР. Постојаната помош од нејзиниот побогат брат социјалист и растечката економија убеди неколку шведски извозници да инвестираат во Северна Кореја.
Во 1974 година, шведската влада се согласи да испрати тешка механизација во вредност од над 70 милиони долари, како и 1.000 Волво 144, кои служеа како такси.
Како што се зајакнаа економските врски меѓу двете земји, Шведска стана првата западна земја која отвори амбасада во Пјонгјанг во 1975 година.
Сепак, наскоро севернокорејската економија почна да слабее. Иако Шведска продолжи да одржува дипломатски односи со таа земја - од кои особено корист имаа затворените американски граѓани - автомобилите никогаш не беа платени.
Досега долгот со камата за испорачаните автомобили е акумулиран на повеќе од 325 милиони долари.
Преживеаните примероци на моделот 144 сè уште се користат како такси, додека производителот сè уште ги бара своите пари.
© Vecer.mk, правата за текстот се на редакцијата
