Германската компанија „Луфтханза“ ја откажува продажбата на стока во авионите. Причината за оваа одлука е едноставна - продажбата за време на летовите повеќе не е профитабилна, објавуваат германските медиуми.
- Продажбата на летови на долги релации ќе биде целосно укината од септември 2025 година, потврди портпаролот на Луфтханза.
Авиокомпанијата веќе ја суспендираше продажбата на парфеми, часовници, накит и чоколади на одредени линии.
- Уште во февруари, продажбата беше намалена на оние рути што претходно се покажаа како економски неисплатливи, објасни портпаролот.
Патниците повеќе не купуваат во авионите
Многу патници ќе зажалат за оваа одлука. Секој кому некогаш му било смртно здодевно на исцрпувачки долг лет и не можел да заспие во тесната економска класа, на крајот ќе посегне по добриот старомоден каталог на бесцарински производи, коиј стоеше зад безбедносната картичка во џебот на седиштето.
Покрај тоа, каталошките предмети зафаќаат значителен простор за складирање во авионот - простор кој очигледно е сè повеќе потребен за други цели како дел од ревизијата на услугата на летови на долги релации во сите класи.
Стјуардесите ќе зажалат
И стјуардесите, веројатно, ќе жалат за укинувањето на бесцаринското купување во авионите. Иако распродажбата не беше премногу популарна, тие добиваа дополнителен приход од продажбата за време на летовите. Износот на тој приход зависи, меѓу другото, од бројот на продадени производи и времетраењето на летот.
„Луфтханза“ не е првата авиокомпанија што се откажува од купување „над облаците“, нивниот конкурент КЛМ го стори тоа пред шест години, наведуваат германските медиуми.
© Vecer.mk, правата за текстот се на редакцијата
