За да не мора да гладува и да се откаже од храната што ја сака, познатата актерка нашла интересен начин да остане задоволна од својот изглед и здравје.
Британската актерка Џоан Колинс зад себе има повеќедецениска кариера, но веројатно најголема трага остави со улогата на Алексис Карингтон Колби во познатата ТВ-сапуница „Династија“.
Таа е една од оние познати дами за кои треба да ја проверите возраста кога ќе наидете на таа информација во вестите за нејзиниот живот бидејќи изгледа и се чувствува значително помлада, а во мај го прослави својот 91-ви роденден.
Таа и самата е убедена дека ќе доживее 100 години.
Како што еднаш објасни, само еднаш користела ботокс и зажалила.
- Без ножеви. Имав ботокс еднаш, пред многу години. Го мразев. Јас сум актерка, морам да имам израз, изјавила таа за Дејли експрес.
Тајната на изгледот на Џоан Колинс лежи во нејзината исхрана. Поточно - во намалувањето на порциите.
- На 50 години ви треба половина храна во споредба со онаа што ја внесувавте на 25. Повторно половина помалку на 75. Ќе живеам сто и ви велам - грижете се за својата кожа. Никогаш не излегувајте од дома без шминка – советува актерката.
Таа истакнува дека ригорозните диети не се неопходни за одржување на витката линија, туку важна е количината, хидратацијата и мудриот избор на храна што ќе ја внесете во вашето тело.
- Не држете диета, само јадете помалку. Никогаш не пијте вода од чешма. Ако треба да изгубите неколку килограми за да облечете нешто, јадете варени јајца и брокула три дена - вели Џоан Колинс и додава: - Вежбајте. Мразам, но морам.
Животни лекции од Џоан Колинс
Актерката исто така истакнала дека луѓето треба да се охрабрат за да можат да преживеат сè што носи животот и да не размислуваат премногу за трагични настани, како што е смртта на пријателите, кои како жена на 91 година ги доживеала многу пати.
- Направи го тоа сам - што и да е. Така ме научија моите родители. Ме предупредија и дека животот нема да биде лесен, туку дека едноставно морам да продолжам со тоа. Така правев секогаш, вели таа.
- Изгубив многу драги луѓе поради рак. На некои луѓе им се дијагностицира веднаш откако ќе поминат низ страшен шок или ќе им се случат страшни работи. Мојот совет, ако нешто значи, е: преболи го. Што и да е. Не размислувај. Бидете отпорни. Никогаш не размислувајте за тоа што можеше да биде. Играјте со картите што ви биле поделени. Секој ден може да ви биде последен, заклучила актерката.
© Vecer.mk, правата за текстот се на редакцијата
