Годишното рангирање на најбезбедните земји во целиот свет, изготвено од Институтот за економија и мир (Institute of Economics and Peace), е познато како GPI, односно Глобален индекс на мир.
Особено за луѓето кои одлучуваат да патуваат сами, важно е колку е всушност безбедна дестинацијата што ќе одлучат да ја посетат.
Нема сомнеж дека во многу делови од светот туристите често се мета на крадци и лоши луѓе кои се обидуваат да ги искористат. Затоа е потребно навреме да се информираме кои земји се класифицирани како најпосакувани според Глобалниот индекс на мирот.
Рејкјавик
Како што објаснува Traveloffpath, постојат три основни работи на кои истражувачите потоа обрнуваат внимание. Прво, на ниво на социјална сигурност, потоа на степенот на тековните национални и меѓународни конфликти и на степенот на милитаризација на конкретната земја.
1. Исланд
Исланд 15 години по ред е на врвот на листата на најбезбедни земји во светот. Освен што е глобално призната како најбезбедна земја во светот, Исланд го зазеде првото место во сите три претходно споменати категории, кои се анализирани и при составувањето на оваа листа. Во Исланд нема војска, а полицијата не користи оружје. Покрај тоа, стапката на криминал е исклучително ниска.
Копенхаген
2. Данска
Оваа година Данска се искачи од третото на второто место на листата на најбезбедни земји во светот. Тоа е земја со исклучително ниско ниво на корупција. Мнозинството од населението во земјата има целосна доверба во претставниците на Владата, а довербата е особено развиена на општествено ниво, меѓу членовите на заедницата.
3. Ирска
Иако минатата година беше рангирана на второто место по безбедност, Ирска и понатаму е меѓу првите 3 најбезбедни земји во светот. Се карактеризира со прилично ниско ниво на криминал. Злосторствата што се случуваат во земјава најмногу се поврзани со прекумерна употреба на опијати.
Нов Зеланд
4. Нов Зеланд
Од минатогодишната осма позиција, Нов Зеланд се искачи на високото четврто место годинава во однос на безбедноста. Таа е и единствената земја надвор од Европската Унија која е меѓу петте најбезбедни во светот. Стапката на криминал во Нов Зеланд е на ниско ниво, но особено во поголемите градови во текот на ноќта може да наидете на испади, иако жителите на Нов Зеланд се сметаат за генерално гостопримливи и друштвени.
Виена
5. Австрија
Иако може слободно да се каже дека речиси и да нема криминал во оваа земја, основните мерки на претпазливост се секогаш добредојдени. Некои од најчестите криминални дела кои се случуваат во Австрија вклучуваат измами на банкомати, но и ситни кражби како кражби на велосипеди.
© Vecer.mk, правата за текстот се на редакцијата
