За овој свет чин, до денеска се пријавиле педесетина православни граѓани. Пријавувањето се уште трае, секој ден од 8 до 16 часот или на фејсбук страницата на Епархијата. Кандидатите можат да дојдат и во недела во 9 часот во Повардарска епархија кога медицинска екипа од ЈЗУ Здравствен дом на сите ќе им изврши здравствени прегледи.
Како што информира за МИА, Никола Цилаков од Повардарската епархија, услов на полнолетните кандидати е да се здрави и способни да влезат во ладните води на реката Вардар, за што треба да потврди и даде одобрение лекарската екипа.
Инаку светиот чин е закажан во 11:30 од Мало Мовче откако претходно ќе се изврши традиционалното осветувањето на водите на реката Вардар од страна на митрополитот Агатангел.
Инаку чествувањето на празникот ќе започне недела во 8:15 часот во црквата „Св Спас“ кога владиката Агатангел ќе отслужи Света Божествена литургија. Потоа литија составена од свештени лица и граѓани предводени од владиката Агатангел ќе мине на потегот од црквата „Св. Спас“ до Мало Мовче, каде треба да пристигне околу 10,30 часот.
Како што информираа од Повардарската епархија, годинашен кум на празникот Богојавление–Водици во Велес е градоначалникот Марко Колев со семејството.
© Vecer.mk, правата за текстот се на редакцијата
