Двојката, на возраст од околу 50 години, патувале од Нормантон, Квинсленд, кога нивното возило било однесено од поплава. Тие останале без превоз и храна, изгубени во темнината - и без начин да повикаат помош.
Брачниот пар се движел по оддалечен пат кога поројот го „преплави“ возилото. Успеале да излезат, но останале без своите работи. Тие биле принудени да пијат матна речна вода, да поднесуваат безмилосни инсекти и температури над 40 степени Целзиусови.
Сепак, најлошото било што морале, како што откриле, да се чуваат од крвожедни и гладни крокодили, па од гранки направиле импровизирано скривалиште, пишува Дејли Стар.
По три дена, неименуваните сопружници изгубиле надеж дека ќе бидат спасени.
„Овие луѓе се предадоа на судбината. Го видовме изгледот на нивните лица кога нѐ видоа. Не веруваа дека ќе дојдеме“, изјави Мајкл Адаир, пилот на компанијата „LifeFlight“ кој помагал во спасувањето на изгубените во дивината.
#BREAKING: A Queensland couple has JUST been found, after two nights lost in crocodile-infested country. #9News @MegESydes pic.twitter.com/wtxti3c13Y
— 9News Queensland (@9NewsQueensland) December 7, 2024
Тој го опиша моментот кога ја пронашле исцрпената двојка во австралиската дивина.
„Ни рекоа: „Фала му на Бога што беа таму, не мислевме дека некој доаѓа по нас“. Жената открила дека слушала гласови во грмушките, како да халуцинирала. Беше многу емотивна кога стигнавме, веднаш нѐ прегрна“, додаде тој.
© Vecer.mk, правата за текстот се на редакцијата
