Парот црвени чевли е еден од четирите преостанати пара од култниот филм „Волшебникот од Оз“ од 1939 година, во кој ги носела Џуди Гарланд, а кои некогаш биле украдени од музејот каде што се чувале.
Наддавањето за парот црвени чевли започнал од 1,55 милиони долари, а првично се проценувало дека ќе се продадат за повеќе од 3 милиони долари.
Heritage Auctions соопшти дека чевлите ја надминале проценетата сума во првите секунди од наддавањето и дека ниту еден друг пар црвени чевли не бил блиску до рекордната сума.
Еден пар бил продаден во 2000 година за 666.000 долари. Стивен Спилберг и Леонардо ди Каприо купиле уште еден пар за два милиони долари во 2000 година и го донирале на Музејот на филмската академија во Лос Анџелес.
Чевлите не беа единствениот предмет од „Волшебникот од Оз“ што се продаде вчера – капата на Злобната вештерка достигна цена од 2,9 милиони долари.
На вредноста на црвените обувки секако влијаело и тоа што во 2005 година биле украдени од музејот „Џуди Гарланд“ во Гранд Рапидс, Минесота. Седумдесет и седумгодишниот Тери Џон Мартин ја искршил витрината со чекан и ги грабнала.
Тие биле пронајдени дури 13 години подоцна кога ФБИ добиле дојава.
© Vecer.mk, правата за текстот се на редакцијата
