„Ќе добиете ли храна како гостин во нечија куќа?“, ова стои на мапата која во последните денови стана привлечна за корисниците на Интернет. Картата ги прикажува&nbsp;земјите од Европа обоени во различни бои&nbsp;кои ја прикажуваат нивната гостопримливост.

Темносината ги означува местата каде што скоро секогаш добивате храна кога ќе посетите некого, светлосините земји каде често ќе ве почестат со храна, додека портокаловата ги покажува оние каде не се очекува да ви дадат храна, а црвената ги означува земјите во кои речиси никогаш нема да ви се понуди храна.

Она што може да се забележи е дека медитеранските земји, вклучително и нашата и соседните земји се истакнуваат во гостопримството - тие се обоени во темносина нијанса каде што скоро секогаш ќе добиете храна како гостин во нечиј дом. Колку посеверно одите, веројатноста се намалува. Така, во јужниот дел на Франција и на северот на Италија, во Словенија, потоа во земјите од источна Европа, често ќе добиете храна.

Северот на Германија, Холандија и скандинавските земји се означени со црвено, што значи дека во овие земји речиси никогаш нема да ви понудат храна ако сте гостин, пренесува порталот Кликс.

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Каде се наоѓа Македонија?

Нашата земја е означена со темносина боја на оваа интересна мапа, што е само доказ дека Македонците се гостопримливи луѓе кон гостите и странците.

Кај нас секогаш ќе те пречекаат со полна трпеза на која има, што би се рекло, од пиле млеко... Дека е така доволно зборува онаа „остави, тоа е за гости“ која на многумина им е „траума“ од детството...&nbsp;

Во овие земји секогаш ќе ве дочека ПОЛНА ТРПЕЗА, а во другиве нема ни залче да пробате