Основниот кривичен суд Скопје денеска ги прогласи за виновни и им изрече затворски казни на Раде Трајковски-Штекли во траење од осум години, Александар Гучевски - шест години, Стефан Китанов и Филип Таневски - по пет години и на Стојан Миланов во траење од три години и десет месеци како членови на група која неовластено продавала кокаин и марихуана.
Судот утврди дека осудените во периодот од јануари 2024 година до јануари 2025 година на територијата на град Скопје се здружиле заради неовластена продажба и пуштање во промет наркотични супстанции.
Во изречената осумгодишна казна на првообвинетиот Трајковски пресметано е и времето што досега го поминал во притвор.
© Vecer.mk, правата за текстот се на редакцијата
