Карло Анчелоти им верува на играчите на Реал Мадрид и покрај страшниот пораз на „Ел Класико“ со 2:5. Утре „кралевите“ ќе играат со Селта во 1/8-финалето на Копа дел Реј.
„Ова е голема можност по еден неуспешен натпревар од кој настрадавме многу, да покажеме дека може бргу да реагираме. Ќе биде добар натпревар против добар противник. Тимот може да покаже силна реакција по неодамнешниот натпревар. Сезоната е долга, имаме добри позиции на сите турнири. Со Барселона беше лош меч, направивме многу грешки. Ги анализиравме и најдовме решение. Скапо не чинеше, но ова е само еден натпревар. Како и секогаш, ќе се бориме до крај. Можеби секој има свое мислење, но јас сепак имам целосна доверба во сите мои играчи, особено во оние кои во моментов не се во најдобро издание“, вели Анчелоти.
