Барселона е заинтересирана за дефанзивецот на Баерн Минхен – Алфонсо Дејвис, пишува Мундо Депортиво.
23-годишниот Канаѓанец е во редовите на Баварците од 2018 година, кога направи трансфер од американската голема фудбалска лига. Тој играше на пет натпревари на неговиот тим во Бундеслигата оваа сезона, како и на двата натпревари во Лигата на шампионите.
Во летото се појави информација дека и големиот ривал на Барселона – Реал Мадрид го сака Дејвис во своите редови, но тогаш „кралевите“ не се договорија со германскиот тим и ги оставија работите за следното лето, кога се очекува играчот да биде слободен трансфер.
Трансфермаркт ја става пазарната вредност на Алфонсо Дејвис на 50 милиони евра, што е 20 милиони евра помалку од минатата година во исто време кога тој чинеше 70 милиони евра.
