Фудбалерите на Барселона ја совладаа екипата на Атлетик Билбао со 2:0 и се пласираа во финалето на шпанскиот Суперкуп кој се одржува во Саудиска Арабија.
Барселона влезе како фаворит во натпреварот и ја оправда таа улога. Резултатот го отвори Гави со гол во 17-тата минута, а во второто полувреме Јамал ја потврди победата на Каталонците со гол во 52-та минута.
Во финалето Барселона ќе го чека подобриот од натпреварот помеѓу Реал Мадрид и Мајорка кој ќе се одигра утре.
