logo
logo
logo

Далиќ: Не ме залажаа мечевите против Македонија и Португалија

Vecer | 16.06.2024

Далиќ: Не ме залажаа мечевите против Македонија и Португалија

HNS Twitter

Хрватска на отварањето на Европското првенство доживеа убедлив пораз (3-0) од Шпанија. Ден по катастрофалното издание, селекторот, Златко Далиќ одржа прес-конференција на која зборуваше за овој дуел, но и за следната пресметка на неговата репрезентација, а тоа е против Албанија.

Многумина беа изненадени од она што го видоа на теренот, па следеше прашање за пријателските мечеви против Македонија и Португалија во рамките на подготовките за ова ЕУРО. Колку истите биле реални?

„По Португалија реков дека на ЕП ќе биде поинаку. Дали беше лош ден, не знам. Лошо го започнавме натпреварот, не бевме доволно агресивни, бевме премногу далеку од играчите и во првите 15 минути беше навистина лошо.

После тоа воспоставивме контрола, ја задржавме и примивме гол од ситуација која не е баш вообичаена за нас. Не можам да избегам од впечатокот дека преефтино ги примивме трите гола, практично секој удар завршуваше со гол.

Не ме залажаа натпреварите со Македонија и Португалија, но ни дадоа причини за оптимизам. Бевме добри во тие натпревари, но вчера не беше добро. Противникот беше премногу добар за нас“, изјави Далиќ. 

За постетување Хрватска ја совлада Македонија со убедливи 3-0 на пријателскиот меч.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk