Пеп Гвардиола и Манчестер Сити се во најневеројатната позиција мора очајно да се борат за пласман во Лигата на шампионите следната сезона. Сити испушти бодови во ремито 2-2 на домашен терен со Брајтон, освојувајќи го петтото место во табелата во Премиер-лигата на девет натпревари до крајот на сезоната.
„Мислам дека вака ќе биде до крајот. Девет натпревари, девет финалиња за нас“, изјави Гвардиола и продолжи:
„Секогаш сум самоуверен. Јас сум мајстор во тоа. Го наоѓам позитивното во сè. Знам дека ќе биде тешко“, додаде тој.
Ерлинг Халанд испиша историја постигнувајќи 100 голови во Премиер-лигата побрзо од кој било друг во 94 натпревари, шест помалку од поранешниот напаѓач на Блекбурн, Њукасл и Англија, Алан Ширер.
„Не е лошо“, рече Гвардиола низ насмевка.
“Вториот дел го започнавме на 2:1 и имавме добри шанси. Сепак, ги оставивме да израмнат, по што бевме нестабилни. Тоа е нормално. Се вративме во игра и имавме навистина добри моменти”, заклучи каталонскиот стручњак.
