Поранешниот менаџер на Ливерпул, Јирген Клоп, ги именуваше четирите најдобри тренери на сите времиња чии лица би ги ставил на својата тренерскиот Маунт Рашмор. Тој ги избра Јохан Кројф, Жозеп Гвардиола, Сер Алекс Фергусон и Бил Шенкли.
„Тоа е мојот фудбалски менаџерски Маунт Рашмор. Навистина е тешко да се наведат само четворица, но ќе се обидам. Јохан Кројф е највлијателниот фудбалски менаџер за кој некогаш сум слушнал. Начинот на кој го гледаше фудбалот, начинот на кој го разбираше фудбалот, е едноставно неспоредлив. Истото може да се каже и за Пеп Гвардиола. Се соочив со него и знам колку беше тешко.
Сега навистина станува тешко. Да преминеме на најуспешниот менаџер на сите времиња и човек кој навистина ми се допаѓа – Сер Алекс Фергусон. И тука ми е многу тешко да одлучам. Карло Анчелоти е во моите мисли. Бил Шенкли, Боб Пејсли – слушнав толку многу за нив, но никогаш не сум ги видел. Но да, сакам да го видам Бил Шенкли на мојот Маунт Рашмор“, рече Клоп.
