Тринаесет полицајци беа повредени во нередите пред и по римското дерби меѓу Лацио и Рома во неделата навечер, па речиси сигурно натпреварите меѓу овие два големи ривали ќе се вратат во дневниот распоред од следната сезона.
Италијанските медиуми судирите на навивачите во Рим ги нарекоа „урбана герилска војна“, откако избувна хаос на улиците кога 500 главно маскирани навивачи на Рома се обидоа да започнат тепачка со навивачите на Лацио во близина на стадионот.
Полицијата успеала да спречи директен судир меѓу навивачки групи, но наместо тоа била бомбардирана со разни предмети. Тогаш полициските сили мораа да одбијат напад на навивачите на Лацио со употреба на водени топови и солзавец, а во нередите што следеа беа оштетени бројни автомобили паркирани во зоната на конфликтот.
Сезонава римските дерби се вратија во вечерниот распоред по пет години играње преку ден, но откако во градот избија нереди пред и по двата меча, речиси е извесно дека натпреварите ќе се вратат во дневниот распоред од следната сезона.
#BreakingNews 🇮🇹🏟⚽️
Incidents broke out before the Lazio-Roma derby. Police used water cannons to disperse the fans. The atmosphere is very tense. (Calciomercato)#COACHELLA2025#amici24#LazioRomapic.twitter.com/NSh70VISWd
— Batu Han (@19BaTHaN19) April 13, 2025
