Јужнокорејската противпожарна служба соопшти дека 120 лица загинале во авионска несреќа во Јужна Кореја, откако патнички авион утринава излета од пистата на меѓународниот аеродром Муан, Јужна Кореја.

Во авионот имало 181 лице – 175 патници и шест членови на екипажот.

Само двајца патници се спасени.

„Досега двајца се спасени, 120 потврдено е дека се загинати“, се вели во соопштението на Националната противпожарна служба, а операцијата за пребарување и спасување е во тек.

Авионот „Боинг 737-800“ на јужнокорејската авиокомпанија „Чеџу ер“ (Jeju Air) се урна при слетувањето oколу 9 часот по локално време. Авионот летал од Бангкок.

Противпожарната служба соопшти дека несреќата најверојатно била предизвикана од удар на птици во комбинација со лоши временски услови.

НАЈМАЛКУ 120 ЛИЦА ЗАГИНАА ВО АВИОНСКА НЕСРЕЌА ВО ЈУЖНА КОРЕЈА - Видео од експлозијата на Боингот “737-800“