Белата куќа објави нов официјален портрет на американскиот претседател Доналд Трамп, кој го прикажува во малку потемно осветлување од портретот објавен пред неговата инаугурација во јануари.
На најновиот портрет, Трамп носи препознатлива црвена вратоврска, а неговото лице е нагласено со длабоко засенчување, наведува CBS.
Лицето на Трамп беше посветло осветлено на портретот објавен претходно оваа година, каде што носи сина вратоврска. Претходната фотографија имаше американско знаме во позадина, додека новата верзија го прикажува Трамп пред црна позадина. Двете фотографии ги направи главниот фотограф на Белата куќа, Даниел Торок.
Белата куќа сподели кратко видео од поставувањето на новиот портрет во зградата на извршната канцеларија Ајзенхауер.
Службеник на Белата куќа изјави за CBS дека ажурираниот портрет наскоро ќе ги замени официјалните фотографии на Трамп кои веќе беа закачени во федералните згради и канцеларии.
Новата верзија е веќе ажурирана на веб-страницата на Белата куќа. Официјален портрет од првиот мандат на Трамп го прикажува како широко се смее пред американско знаме и носи сина вратоврска.
© Vecer.mk, правата за текстот се на редакцијата
