Американците ги кренаа моќните Б-2 бомбардери (ВИДЕО)

Централната команда на САД соопшти дека бомбардерите се упатуваат кон мисија во Иран.

„Невидливите бомбардери Б-2 полетаа за да извршат мисија како дел од операцијата „Епски бес“, извршувајќи удар со долг дострел дизајниран не само да ја елиминира заканата од иранскиот режим денес, туку и да ја наруши неговата способност за обнова во иднина“, напиша Централната команда (CENTCOM) на X.

B-2 stealth bombers takeoff to conduct a mission during Operation Epic Fury, delivering long-range fire to not only eliminate the threat from the Iranian regime today, but also eliminate their ability to rebuild in the future. pic.twitter.com/ebyUYNnOLo

— U.S. Central Command (@CENTCOM) March 13, 2026

Какви се овие авиони?

Бомбардерите Б-2 Спирит одиграа клучна улога во првата операција во Иран во јуни минатата година, кога Американците уништија ирански нуклеарни комплекси.

Бомбардерите Б-2, кои можат да носат конвенционални бомби за разбивање бункери GBU-57/B „Масивен пенетратор на муниција“ (MOP) со тежина од 13.600 килограми, се сметаат за единствено достапно ненуклеарно средство за напад врз длабоко закопан објект за збогатување на ураниум во Иран во Фордоу - освен копнена инвазија, напиша во анализа специјализираниот воен портал „Воената зона“ .