Спасувачите во текот на ноќта извлекоа уште 60-ина безживотни тела, откако втор ден, помогнати од кучиња-трагачи и пожарникари од Порторико и Израел, пребаруваа низ купиштата тули, челични шипки и лимови.
Претседателот на Доминиканската Република Луис Абинадер прогласи тридневна жалост по трагедијата.
Меѓу жртвите има истакнати јавни личности, меѓу кои и пејачот Руби Перез, саксофонистот Луис Солис, како и неколку владини претставници и странски државјани. Загина и гувернерката на провинцијата Монте Кристо.
Причината за уривањето на покривот сè уште не е позната.
© Vecer.mk, правата за текстот се на редакцијата
