Вработените во оперативната сала на вториот аеродром во Рим биле принудени да се евакуираат поради чад.
Поради оваа причина, појдовните и дојдовните летови се суспендирани. Според информациите, грузиски државјанин е уапсен поради подметнување пожар. Тој пред неколку дена пристигнал во Италија и немал криминално досие. Понатамошни истраги за неговиот статус се во тек.
Како што пренесуваат италијанските медиуми, во овој инцидент немало повредени.
Сите дојдовни летови се префрлени на аеродромот Леонардо да Винчи, а патниците ќе се превезуваат со автобус бесплатно.
ENAV informa che, a causa di un principio di incendio, già estinto, alla base della torre di controllo dell'aeroporto di Ciampino, decolli e atterraggi sono momentaneamente sospesi.
— Aeroporti di Roma (@AeroportidiRoma) February 5, 2025
Si invitano i passeggeri a verificare lo stato del proprio volo con la compagnia aerea di… pic.twitter.com/WZNNJRfM6w
Пожарникарите пријавиле дека интервенирале околу 7 часот и 20 минути, веднаш по пријавувањето на инцидентот. Тие изгаснале мал пожар „во електрична опрема, кој избувнал во внатрешноста на канцелариите лоцирани под контролната кула“.
Превентивно спасувачите ја евакуирале целата зграда поради густ чад. Нема повредени.
© Vecer.mk, правата за текстот се на редакцијата
