Крајнодесничарската Алтернатива за Германија (AfD) има 26 проценти поддршка, два поени пред конзервативците, според анкета на Институтот Форса, пред политичката сезона доминирана од тешки одлуки за тоа како да се оживее нестабилната економија и да се спроведат буџетски намалувања, објавува Ројтерс.
Минатата недела, одлуката на Фридрих Мерц да ја запре продажбата на оружје на Израел откако земјата објави планови за окупација на Газа беше дочекана со одобрување од гласачите, но ги налути конзервативните сојузници кои ја сметаа за предавство на историските обврски на Германија, додаде агенцијата.
Мерц се покажа поасериозен во однос на надворешната политика од неговиот претходник Олаф Шолц, играјќи клучна улога во обединувањето на европските земји во обединет фронт за одбрана на Украина.
На внатрешен план, неговата влада јасно ја стави до знаење својата намера да воведе построги мерки, како што е планираното намалување на бенефициите што им се достапни на украинските бегалци од војната, објави Ројтерс.
Ова не е прв пат АфД да биде пред конзервативците во анкетите, како што беше случај и во анкетата на Форс во април. Следниот голем изборен тест за Германија ќе бидат регионалните избори во југозападната покраина Баден-Виртемберг во март 2026 година, првите од петте избори во 16-те федерални покраини на Германија следната година.
Иако Мерц ја презеде функцијата ветувајќи дека ќе се држи до поконзервативни принципи од поранешната германска канцеларка Ангела Меркел, одлуката за долгот беше првата од многуте што предизвика сомнежи кај десничарските поддржувачи, соопшти агенцијата.
Само 29 проценти од испитаниците во анкетата на ДојчландТренд за АРД за време на викендот го сметаа за добар менаџер за кризи.
Мерц е поддржан од 32 проценти од граѓаните, значително помалку од Шолц или Меркел во нивните први 100 дена, кои имаа 56 проценти и 74 проценти од германската поддршка, соодветно.
© Vecer.mk, правата за текстот се на редакцијата
