Мерките се воведени поради драматично зголеменото насилство поврзано со наркокартелите. Вонредната состојба ќе трае 60 дена и вчера стапи во сила.
Актуелниот претседател на Еквадор Даниел Нобоа на изборите се соочува со кандидатот од левицата, Луиса Гонзалес, во услови на растечко насилство
Во указот на претседателот Нобоа се наведува дека мерката е неопходна поради „ескалацијата на насилство, тешки злосторства и интензивни незаконски активности на организирани вооружени групи“.
Вонредната состојба вклучува укинување на некои граѓански слободи, како заштитата од неовластени претреси и слободата на собирање, а во повеќе градови се воведува и полициски час.
Нобоа, кој е на власт од 2023 година, и претходно воведуваше вакви мерки за борба против картелското насилство.
© Vecer.mk, правата за текстот се на редакцијата
