Американскиот бизнисмен, веројатно најбогат човек во светот и близок соработник на американскиот претседател Трамп, Илон Маск, повика на ликвидација на Европската Унија и враќање на целосниот суверенитет на поединечните држави, за да, како што вели тој, „владите можат подобро да ги претставуваат своите народи“.
„ЕУ треба да се укине, а суверенитетот да им се врати на државите“, напиша Маск на Твитер, додавајќи дека европската бирократија „полека ја задушува Европа до смрт“ и се прашува „од што точно САД ја штитат ЕУ“.
Брисел претходно објави дека платформата X е казнета со 120 милиони евра, потврди портпаролот на Европската комисија, Томас Рени.
Одговарајќи на објавата на Маск, заменик-претседателот на Советот за безбедност на Русија, Дмитриј Медведев, се согласи со неговиот став во кратка порака на Твитер.
Тој кратко напиша: „Точно“.
© Vecer.mk, правата за текстот се на редакцијата
