Министерството за финансии на САД синоча објави дека е формиран „инвестициски фонд за закрепнување“ на Украина, а украинскиот премиер Денис Шмихал го опиша како „вистински праведен и добар меѓународен договор“.
Министерката за економија на Украина, Јулија Свириденко, на платформата Х потврди дека двете страни го потпишале договорот.
„Благодарение на лидерството и договорите меѓу претседателот Володимир Зеленски и претседателот Доналд Трамп, министерот за финансии Скот Бесант и јас го потпишавме договорот меѓу Украина и САД за формирање на Инвестициски фонд за реконструкција меѓу Украина и САД“, напиша Свириденко на Х.
Во објава на Х министегрот Лами денеска изјави: „Обединетото Кралство ги поздравува чекорите преземени од САД и Украина за потпишување договор за економско партнерство. Поддршката на Обединетото Кралство за Украина останува непоколеблива. Со нашето 100-годишно партнерство, ги продлабочуваме економските и безбедносните врски за идните генерации на нашите две земји“.
© Vecer.mk, правата за текстот се на редакцијата
