На местото на несреќата се пронајдени тела на пет лица, а некои локални медиуми објавија дека се пронајдени дури 18 останки, додека пилотот кој управувал со леталото, според првичните информации, го преживеал падот и бил пренесен во болница, пишува „Катманду пост“.
#BREAKING : A plane has crashed at Tribhuvan International Airport. Sources at TIA reported that the aircraft skidded off the runway during takeoff as it was departing for Pokhara with 19 passengers. #Nepal #planecrash #TribhuvanInternationalAirport #skid #landing #airport… pic.twitter.com/ILnl0zQnZH
— mishikasingh (@mishika_singh) July 24, 2024
Авионот Saurya Airlines Canadair CRJ-200ER со регистарски број 9N-AME, произведен во 2003 година, ненадејно се превртел за време на полетувањето и удрил во земја со едното крило, се запалил и се урнал во близина на пистата.
Несреќата се случила во 11:15 часот по локално време, велат локални извори кои опширно известуваат за оваа несреќа.
Во подоцнежните извештаи на кои се повикува DMN News, меѓу загинатите е и еден граѓанин на Јемен, а 37-годишниот капетан Маниш Шакија бил префрлен во Универзитетската болница КМЦ со сериозни повреди.
Патниците во овој авион биле вработени како технички персонал во Saurya Airlines и требало да летаат од аеродромот Tribhuvan до аеродромот Pokhara (PKR) за да извршат поправки на еден од авионите.
Saurya Airlines е локална компанија основана во 2017 година која опслужува пет дестинации во три провинции во Непал со авиони Canadair CRJ-200ER.
© Vecer.mk, правата за текстот се на редакцијата