Воената служба за надзор на информации од јавен карактер денеска ги овласти израелските медиуми да објават фотографија од штетата на вилата на израелскиот премиер Бенјамин Нетанјаху во Цезареја од беспилотно летало што Хезболах го лансирал во саботата од Либан.
Фотографијата, која претходно беше забранета за објавување од страна на воените цензури, го покажува целосниот обем на штетата предизвикана од дронот на станбена зграда во Цезареја, пишува The Times of Israel.
Од експлозијата пукнало стаклото во прозорецот од спалната соба, но дронот не го пробил стаклото и не влетал во куќата, очигледно поради армираните прозорци и други заштити.
Немало повредени, а Нетанјаху и неговата сопруга во тој момент не биле дома.
Во таа прилика, израелскиот премиер изјави дека „агентите на Иран“ кои се обиделе да го убијат него и неговата сопруга „направиле голема грешка“ и додаде дека овој напад нема да го спречи да ја продолжи војната и дека секој што ќе им наштети на Израелците, ќе плати висока цена.
Benjamin Netanyahu's house in the seaside town of Caesarea was hit by a drone on Saturday.
— WORLD AT WAR (@World_At_War_6) October 22, 2024
The house looks more like a bunker than a house. 👀
Israel blames Iran for the attack and I think the retaliation will be strong. pic.twitter.com/tFqthPgwAl
Претходно денеска, портпаролот на Хезболах објави дека милитантната група презема целосна и ексклузивна одговорност за нападот врз резиденцијата на израелскиот премиер Нетанјаху, пренесе Ројтерс.
© Vecer.mk, правата за текстот се на редакцијата
