Виткоф, долгогодишен пријател на Трамп, е исто така водечки фактор во напорите на новата американска влада за прекин на војната во Газа. Се очекува, тој денеска да се сретне со рускиот претседател Владимир Путин, изјави американски претставник, кој го потврди неговото пристигнување во Русија.
Посетата на Виткоф на Москва доаѓа откако Украина завчера се согласи да го прифати предлогот на САД за 30-дневен прекин на огнот во војната со Русија. Вашингтон се надева дека и Кремљ наскоро ќе го прифати предлогот, јавуваат светските агенции.
Виткоф, кој задутре ќе наполни 68 години, е водечка фигура во преговорите за решавање на конфликтите во Газа и Украина и има овластувања, кои не бараат одобрение од Сенатот.
© Vecer.mk, правата за текстот се на редакцијата
