Несреќи со фатални последици се случиле на автопатиштата во Баварија главно поради несоодветна брзина. Во северна Баварија автобус излетал од патот при што биле повредени седум патници.
Само на северот на сојузната покраина Баден-Виртемберг, поради мразот се забележани над 260 сообраќајни несреќи. Слично е и во северна Баварија. „Ова се временски услови кои не простуваат грешки при возење“, велат од полицијата во Ален.
Замрзнат дожд и мраз предизвикаа проблеми и во воздушниот сообраќај. Аеродромот во Штутгарт беше делумно затворен за сообраќај, а авионите беа пренасочени кон други аеродроми.
Во текот на утрото, поради голомразица, бројни сообраќајни несреќи се забележани и во други делови на Германија, како Саксонија.
© Vecer.mk, правата за текстот се на редакцијата
