Црното Море прераснува во сè поопасна зона за цивилниот сообраќај откако два трговски брода беа погодени со софистицирани беспилотни летала во непосредна близина на бугарската брег. Според соопштението на бугарскиот премиер Румен Радев, еден од бродовите веќе потонал во морските длабочини, додека од вториот итно беа евакуирани сите 15 членови на екипажот.
Драматичниот инцидент се случи во текот на ноќта, околу 28 километри од крајбрежниот град Бјала, кога брод регистриран во Одеса бил погоден од три воздушни дрона. Во нападот се повредени петмина морнари од вкупно 15-члениот екипаж со составен од украински и азербејџански државјани, кои итно беа префрлени во болница во Варна. Погодениот брод долг 136 метри почнал да се накренува и во моментов неконтролирано плута крај 'ртот Свети Атанасиј.
🇧🇬 BREAKING: TWO NEW SHIPS HIT BY DRONES JUST OUTSIDE BULGARIA’S TERRITORIAL WATERS - ONE SUNK Bulgarian PM Rumen Radev confirms two vessels were struck by drones in the Black Sea overnight. Vessel 1 - CHELSEA 3 • Malta-flagged, Ukrainian-owned cargo vessel • Reportedly struck by three aerial drones • Approximately 15–18 nautical miles off Byala, Bulgaria • En route from Giresun, Turkey, to Giurgiulești, Moldova • All 15 crew members evacuated Vessel 2 - Unidentified • Struck approximately 17 nautical miles east of Krapets, near the Romanian border • Vessel reportedly sank • One crew member rescued; remaining crew status unclear Both incidents occurred just beyond Bulgaria’s 12-nautical-mile territorial sea limit, reportedly within or near its Black Sea EEZ. Bulgaria is seeking consultations with NATO and Russia’s ambassador. The origin of the drones and responsibility for the attacks remain unconfirmed.
— Coffe Report (@CoffeReport) October 13, 2026
Итен состанок на Советот за безбедност и НАТО консултации
Состојбата дополнително ескалираше со потврдата за вториот брод кој потона на 17 наутички милји источно од Крапец. Од него засега е спасен само еден член на екипажот, додека судбината на останатите морнари сè уште не е позната.
– „Уште еден софистициран напад врз цивилни трговски бродови во непосредна близина на бугарските територијални води е апсолутно неприфатлив“, истакна премиерот Радев по итно свиканиот состанок на Советот за безбедност.
Бугарскиот државен врв најави дека итно ќе ја повика руската амбасадорка Елеонора Митрофанова на разговор, а за драматичната ситуација веќе се известени генералниот секретар на НАТО, Марк Руте, како и постојаните претставници на Бугарија во Алијансата и Европската Унија. Ова е втор ваков брутален инцидент на црноморското крајбрежје за помалку од две недели.
© Vecer.mk, правата за текстот се на редакцијата
