Овој зеленчук е богат со витамини А, Б1, Б2, Б3, Б5, Б6, Б9, Ц, Е, К, како и бројни минерали како калциум, железо, калиум, фосфор, цинк, манган...
Постојат многу начини за подготовка на аспарагусот, а наједноставниот е со тестенини. Овој рецепт може да послужи како идеја за ручек или вечера за време на велигденскиот пост, а вкусот ќе ве воодушеви.
Состојки:
пакување посни тестенини
400 гр аспарагус
2-3 чешниња лук
2-3 лажици посен маргарин
сол, бибер и билки по вкус
1 лимон
Подготовка:
Сварете ги тестенините и исцедете ги. Одвојте половина шолја од водата во која се варени тестенините.
Аспарагусот исчистете го и исечете го на помали парчиња. Ставете го во длабока тава, истурете со еден прст од водата во која се сварени тестенините и поклопете. Откако ќе зоврие, оставете да се крчка уште две минути, а потоа истурете ја водата и вратете ги аспарагусот во тавата.
Додадете ситно сечкан лук и маргарин, мешајте на средна топлина 2-3 минути, а потоа исклучете ја топлината.
Додадете ги сварените тестенини, добро измешајте, зачинете и оставете на шпорет уште 2-3 минути.
Ако ви изгледа суво, додадете малку повеќе од водата за готвење на тестенините. По желаба се ренда кора од лимон и се прелива со сокот од лимон.
© Vecer.mk, правата за текстот се на редакцијата
